Nairobi: Maswali Yabuka Huku Mwanafunzi wa Miaka 16 Akitoweka Ndani ya Kituo cha Polisi
Faith Natasha alipotea katika eneo lisilotarajiwa kabisa: ndani ya Kituo cha Polisi cha Dandora
Mwanafunzi huyo wa Kidato cha Pili mwenye umri wa miaka 16 alionekana mara ya mwisho Septemba 28, akiacha familia yake kwenye uchungu mkubwa
Mamakeke Faith alimwambia TUKO.co.ke kwamba amekuwa akiishi kwenye jinamizi tangu kupotea kwa binti yake
Faith Natasha, mwanafunzi wa Kidato cha Pili mwenye umri wa miaka 16, amepotea kwa zaidi ya wiki mbili.
Nairobi: Maswali Yabuka Huku Mwanafunzi wa Miaka 16 Akitoweka Ndani ya Kituo cha Polisi
Chanzo: UGC
Binti huyo alionekana mara ya mwisho Jumamosi, Septemba 28, akiwa nyumbani kwa binamu yake ndani ya eneo la Kituo cha Polisi cha Dandora.
Mamake Faith ana wasiwasi kuhusu alipo binti yake
Tangu wakati huo, alipo Faith bado hapajajulikana, na juhudi za kumtafuta zimegonga mwamba, na kuacha familia yake ikiwa imevunjika moyo.
Mamake Faith, Hellen, ambaye amekuwa akijaribu bila kuchoka kumtafuta binti yake, aliiambia TUKO.co.ke kwamba anazidi kukata tamaa.
Licha ya kuripoti jambo hilo katika Kituo cha Polisi cha Dandora muda mfupi baada ya kupotea kwake, hakuna dalili za kuaminika za kueleza aliko.
"Kila siku inahisi kama jinamizi. Tumetafuta kila mahali panapowezekana lakini bado hatujampata. Nakaribia kukata tamaa," alisema mama huyo mwenye huzuni.
Faith alipoteaje kutoka eneo la kituo cha polisi?
Faith, anayesemekana kuwa mwanafunzi mtulivu na makini, alikuwa akiishi na binamu yake ndani ya eneo la kituo cha polisi wakati alipotea.
"Alitoka saa 12:30 jioni na kumwambia msichana wa kazi kwamba alikuwa anaenda kununua kitu dukani, lakini hakurudi," alisema mama yake.
Hakujakuwa na dalili zozote za mchezo mchafu, lakini mamlaka zinahimiza yeyote mwenye taarifa kujitokeza.
Familia inaendelea kuwa na matumaini ya kurudi kwake akiwa salama, ingawa uchungu wa kihisia umekuwa mkubwa kadri muda unavyopita.
Faith alikuwa akifanya nini katika kituo cha polisi?
Alifichua kwamba Faith alitoweka mara ya kwanza kutoka nyumbani kwao Tala mnamo Agosti 30 lakini alipatikana baada ya wiki moja huko Kayole.
"Jamaa alimkuta Kayole na kumpeleka kwenye eneo la polisi, ambapo alitoweka baada ya siku chache," Hellen alisimulia.
Baada ya juhudi za familia kugonga mwamba, Hellen alitoa ombi la umma la msaada katika kumtafuta binti yake.
Mtoto wa miaka minne apotea shuleni Kisii
Katika Kaunti ya Kisii, Nimrod Baraka, mtoto wa miaka minne, alitoweka Jumanne, Oktoba 8 huko Ogembo.
Mama wa Nimrod, Linet Kemunto, alisimulia jinsi mtoto wake alivyotekwa nyara katika Shule ya Reinha Rosary na mwanaume aliyevaa barakoa.
OCPD wa Ogembo, Christine Amaya, alithibitisha kwamba polisi tayari wameanzisha uchunguzi kuhusu kutoweka kwa Nimrod kwa njia ya kutatanisha.
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.
Chanzo: TUKO.co.ke
