Ezekiel Otuoma: Video ya Mchezaji Kandanda Akifurahia Maankuli na Mkewe, Marafiki Yaibuka
Mapenzi ya mtayarishaji maudhui Rachel Otuoma na mwanariadha marehemu Ezekiel Otuoma yalikusudiwa kudumu maishani
Mwanariadha huyo wa zamani alikuwa akiishi na ugonjwa wa ALS, na kifo chake kilimvunja sana Rachel, na baadaye akaandika ujumbe wenye kugusa moyo
Video ya sherehe ya kuzaliwa kwa Rachel saa chache kabla ya kifo cha mumewe iliibuka kwenye mitandao ya kijamii
Mwanariadha marehemu Ezekiel Otuoma ameaga dunia.
Ezekiel Otuoma na mkewe, Racheal, akiwa mchangamfu enzi zake za kusakata kabumbu (kulia). Otuoma akiwa mgonjwa (kushoto). Picha: Racheal Otuoma, Ezekiel Otuoma.
Chanzo: UGC
Ilikuwa siku ya huzuni Rachel alipotangaza kifo cha mume wake mpendwa. Aliandika ujumbe wa kugusa moyo akimuenzi mumewe.
Rachel pia alifichua kuwa mumewe alifariki kwenye siku yake ya kuzaliwa na akasema kwa hisia kuwa maisha hayatawahi kuwa sawa tena kwake.
Wawili hao walikuwa na wageni nyumbani kwao kwa ajili ya sherehe ya siku ya kuzaliwa ya Rachel, na Otuoma alifariki wakati walipokuwa wakimkimbiza hospitalini.
Video iliyoshirikiwa na TikToker Obidan Dela ilionyesha nyakati za mwisho za mwanariadha huyo wa zamani kwenye sherehe ya mkewe.
Dela alimrekodi Otuoma aliyekuwa ameketi karibu na mkewe kwenye sherehe yake. Aliandika:
"Rip Ezekiel Otuoma, mumewe Rachel nyakati zake za mwisho kwenye sherehe ya siku ya kuzaliwa ya mkewe."
Wakenya walivyosema kuhusu video ya Otuoma
small girl big God:
"Mkewe aliomba kabla ya kukata keki, alisema mungu amponye bwanake, na Mungu amefanya hivyo, ameondolea Otuoma uchungu aliokuwa anapitia, wacha Otuoma apumzike, roho yake ipumzike kwa amani."
????Chosen:
"Atatabasamu mbinguni kwa sababu maumivu yameisha."
Gift D@8:
"Katika nyakati ngumu na nzuri, Rachel Otuoma, ulitimiza wajibu wako. Hongera. Mungu akubariki kwa kuwa mke mwema kwa mumeo. Pole sana. Roho ya Otuoma ipumzike katika maisha ya milele."
aliciakeyzokelloh:
"Alikuwa amechoka hata macho yalionesha... pumzika kwa amani, safiri salama Otuoma."
Janet Chepkoech:
"Roho ya Otuoma ipumzike kwa amani ya milele, Rachel, kumbatia mama. Wewe ni simba wa kweli."
user18379281433638:
"Rachel pole sana, umefanya kazi mama. Mungu akubariki kwa kazi uliyomfanyia mumeo na hukuchoka. Pumzika kwa amani Otuoma."
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.
Chanzo: TUKO.co.ke
