Diamond Platnumz Alipwa KSh 129m Kutumbuiza Wageni kwenye Harusi ya Mombasa
Tajiri wa Mombasa Imran Khosla alitoboka kitita kizoto huku mwanawe, Zakir, akifunga harusi
Sherehe hiyo ya kufana ilihudhuriwa na Rais William Ruto na ambapo Diamond Platnumz, Nandy na D Voice waliwatumbuiza wageni
Diamond alimshukuru kwa mapenzi na hela alizolipwa, na kiasi hicho kiliwashangaza Wakenya wengi
Nyota wa muziki nchini Tanzania Diamond Platnumz amelipwa kitita kizito kutumbuiza nchini Kenya wiki kadhaa baada ya onyesho lake kufeli.
Diamond Platnumz alitumbuiza kwenye harusi ya Zakir Khoslas mjini Mombasa. Picha: Platnumz Gallery.
Chanzo: Instagram
Zakir Khosla alilipa Diamond Platnumz kiasi gani?
Baada ya kukataa kupanda jukwaani kwenye Tamasha la Furaha mapema mwezi huu, msanii huyo alikumbwa na lawama na alishiriki video ndefu akieleza sababu za kutokuwepo kwake.
Kulingana na Diamond, alingoja ndani ya gari lake kwa saa kadhaa akisubiri nafasi yake ya kutumbuiza, lakini haikufika.
Diamond alifichua kuwa alilipwa KSh 19.4 milioni kutumbuiza na hatarudisha pesa hizo.
?Sitawarudishia kwa sababu mliharibu mkataba,? alisema.
Jumamosi, Desemba 21, Diamond alitumbuiza kwenye harusi ya mwana wa tajiri wa Mombasa, Imran Khosla, Zakir.
Harusi hiyo ya kifahari ilihudhuriwa na watu mashuhuri Kenya, akiwemo Rais William Ruto, Waziri Aden Duale, Gavana Abdulswamad Sheriff Nassir, na wanasiasa wengine.
Zakir aliandaman na wasanii kadhaa wa Bongo, akiwemo Nandy na D Vice.
Diamond aliwasili kwenye eneo la harusi kwa gari la Mercedes Benz G Wagon, akifuatwa na gari la ukaguzi wa Kaunti ya Mombasa na SUV zingine za kifahari.
Wageni wa harusi walimiminika kumkaribia msanii huyo, ambaye alivaa mavazi ya kuvutia yenye rangi nyekundu iliyokolea wakipiga naye selfie.
Mchambuzi wa siasa wa Kenya, Cassy Pool, alikuwa akimsifia msanii huyo.
?Msalimie Mama Samia Suluhu. Nakupenda sana. Wewe ndio Simba wa Afrika Mashariki na Kati, wengine si kitu.?
Cassy Pool alianza kuwaondoa watu kwa nguvu, akiwaambia wampishe msanii huyo.
?Taratibu,? meneja wake alimwonya.
Diamond aliwashangaza wengi baada ya kufichua kiasi alicholipwa kutumbuiza.
?Nawapenda zaidi Kenya. Dola milioni 1 kwa onyesho la harusi Mombasa. Fanikiwa na utaona. Alhamdulillah,? aliandika.
Hii inatafsiriwa kuwa takriban KSh 129 milioni, na hivi ndivyo Wakenya walivyosema:
sharon.wesonga:
?Watu wana pesa Kenya.?
jayce_kevo:
?Willy Paul anaandika, akifuta.?
mr_mombasa:
?Watu amkeni tafadhali tuwaze kutafuta pesa.?
memeflix_visuals:
?Pesa ndio kila kitu.?
black_h.e.a.r.t._:
?Lakini nyinyi watu mna mchezo sana kumlinganisha huyu jamaa na Willy Paul. Tumsaidie afikie kiwango cha Diamond.?
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.
Chanzo: TUKO.co.ke
