• Kenyan_gossip
• Visit Article Link

• Tuko News
• Fri Jun 13 2025

OCS wa Kituo cha Polisi cha Central Nairobi, Samson Talam alikamatwa Eldoret na kuhamishwa hadi makao makuu ya IPOA jijini Nairobi

Kukamatwa kwa Talam kunahusishwa na mauaji ya mwanablogu Albert Ojwanga katika kituo hicho, huku IPOA ikisema afisa huyo ni mshukiwa

Waliokamatwa kwa sasa polisi wawili na raia; Konstebo James Mukhwana alikamatwa Alhamisi, Juni 12

Afisa anayesimamia Kituo cha Polisi cha Central Nairobi, Samson Talam, ametiwa nguvuni.

OCS wa Polisi ya Central Samson Talam alikamatwa Eldoret mnamo Ijumaa, Juni 13. Picha: NPS.

Chanzo: Twitter

OCS wa Polisi wa Nairobi Central alikamatwa wapi?

Afisa huyo alikamatwa mjini Eldoret Ijumaa alasiri, Juni 13, na kukabidhiwa kwa Mamlaka Huru ya Kutathmini Utendakazi wa Polisi (IPOA), ambayo inachunguza mauaji ya mwanablogu Albert Ojwang.

IPOA ilisema Talam ni mshukiwa, kwani Ojwang alifariki katika seli ndani ya kituo anachosimamia.

Talam alizuiliwa pamoja na maafisa wengine walioko Central kwa agizo la Inspekta Jenerali wa Polisi Douglas Kanja.

Polisi walisema alikuwa akisafirishwa hadi makao makuu ya IPOA jijini Nairobi.

IPOA sasa ina maafisa wawili wa polisi kizuizini; Konstebo James Mukhwana, ambaye alikuwa mlinzi wakati Ojwang alizuiliwa, alikamatwa Alhamisi, Juni 12, na kufikishwa mahakamani siku moja baadaye.

Kwa nini DCI walitaka OCS Talam achukuliwe kama mshukiwa mkuu

Kukamatwa kwa Talam kunajiri siku chache baada ya Mkuu wa Idara ya Upelelezi wa Makosa ya Jinai (DCI), Mohamed Amin, kumtaja kama mshukiwa mkuu katika kesi hiyo ya mauaji.

Kulingana na Amin, njia ambayo OCS alishughulikia suala hilo ilielekeza kwake kuwa kuna uwezekano mkubwa wa kuhusika.

Mkuu wa DCI aliwaambia Wakenya "kutofuatilia kile Talam anasema kuhusu mauaji ya Ojwang". Awali OCS huyo alikuwa amekanusha kuhusika na mauaji ya Ojwang.

Katika maelezo yake kwa IPOA, ofisa huyo alisema marehemu hakuwepo kituoni hapo na alipokwenda huko alimkuta akiwa amejeruhiwa vibaya.

Alikataa kumzuia mtu aliyekuwa amepoteza fahamu na kuchukua uamuzi wa kumkimbiza Hospitali ya Mbagathi.

Albert Ojwang aliuawa katika seli katika Kituo cha Polisi cha Central Nairobi. Picha: Alberto Januzaj.

Chanzo: Twitter

Hospitalini, madaktari walithibitisha kwamba Ojwang alikuwa tayari amefariki, kwani hakukuwa na mpigo wa moyo wala pumzi, huku mwili ukiwa na baridi.

Madaktari waliwataka polisi kuupeleka mwili katika chumba cha maiti watakachochagua; ilipelekwa katika Makafani ya Nairobi, ambayo kwa kawaida huitwa Hifadhi ya Maiti ya City.

Je, polisi walidanganya kuhusu kifo cha Albert Ojwang?

Wote walikuwa kimya kuhusu kifo cha Ojwang hadi habari hiyo ilipofikia umma Jumapili, Juni 8.

Kifo hicho kilizua kizaazaa mitandaoni, na kuwafanya polisi kutoa taarifa ambapo walidanganya kuwa marehemu aligonga kichwa chake kwenye ukuta wa seli na kufariki.

Uchunguzi wa maiti mnamo Juni 10 ulionyesha kuwa Ojwang alishambuliwa na kunyongwa shingoni kabla ya kufariki.

Katika matokeo ya uchunguzi wa maiti, Kanja aliomba msamaha kwa Wakenya kutokana na taarifa iliyopendekeza mwanablogu huyo kujiua.

Ojwang alikamatwa mnamo Juni 7, kufuatia malalamishi ya Naibu Inspekta Jenerali wa Polisi Eliud Lagat, ambaye alikuwa amelalamikia kukashifiwa kwenye X.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.

Chanzo: TUKO.co.ke