William Ruto Awaomba Wazazi Kuwalinda Watoto Wao: "Tuwaepushe na Mambo Mabaya"
William Ruto aliwaomba wazazi kuwaepusha watoto wao dhidi ya matumiz ya dawa za kulevya na tabia zingine haribufu
Rais alihutubia waumini katika kanisa la Olpisiai Africa Inland Church (A.I.C) huko Kilgoris, kaunti ya Narok
Mwanasiasa huyo ambaye aliandamana na mkewe Rachel Ruto siku ya Krismasi, aliwataka akina baba na akina mama kutekeleza majukumu yao ipasavyo
Rais William Samoei Ruto ametoa ujumbe wenye changamoto na kutia moyo kwa familia.
William Ruto akihutubia taifa wakati wa hafla ya kitaifa (l). Wanawake wawili wakifarijiana kwa kukumbatiana (r). Credit: William Samoei Ruto, Getty Images/Simon Maina.
Chanzo: Getty Images
Ruto alihudhuria kanisa gani siku ya Krismasi?
Mwanasiasa huyo na mkewe, Rachel Ruto, walihudhuria ibada ya kanisa katika Kanisa la Olpisiai Africa Inland Church (A.I.C) huko Kilgoris, kaunti ya Narok.
Kiongozi wa taifa alipewa fursa ya kuhutubu kwa waumini waliposherehekea Krismasi kanisani.
"Tunapokumbuka kuzaliwa kwa Yesu Kristo, tusisahau watoto wetu. Pia tukumbuke familia zetu na taifa letu. Tufanye mema na kuangalia mahitaji ya watoto wetu. Tuwalinde dhidi ya matumizi ya dawa za kulevya, ikiwemo pombe na maovu," alisema.
Familia ndiyo msingi wa taifa letu, Ruto asema
Ruto aliwasihi waumini kuwajali na kuwalinda familia zao, huku akiwataka baba na mama kutekeleza majukumu yao waliyopewa na Mungu.
Alisema kwa kujiamini kuwa familia ni msingi wa taifa, hivyo kuna haja ya kulea familia zenye maadili mema.
"Watoto wetu ndio watakaohusika na masuala yanayohusu taifa letu kesho na siku zijazo," alisema.
Wakenya waonyesha hisia kuhusu ujumbe wa Ruto wa Krismasi
Watumiaji wa mitandao ya kijamii walielekea sehemu ya maoni kumtakia rais Krismasi njema na kutoa maoni mchanganyiko.
Bonventure Ondieki:
"Krismasi njema, Mheshimiwa Rais na familia yako."
Daktari Kelvin Kipchirchir Ufa:
"Mheshimiwa Rais, wewe ni mtu mzuri. Uishi kwa muda mrefu. Kenya inakupenda."
Darling Muhammad:
"Tuko salama chini ya uongozi wako, mheshimiwa; endelea na kazi nzuri."
Victor K Terer:
"Asante, Rais wetu mpendwa. Kenya inajivunia wewe."
Thiine B Karani:
"Ikiwa unapenda amani, waache wengine waifurahie bila kutekwa nyara. Tafadhali tambua kuwa tutakuwa na amani."
Sen. Mwaura Murira:
"Lakini ni nani hapumziki? Kenya hii ni yetu na hakuna amani; ahadi zako hazijatimizwa."
Billy Mwangi aliyetekwa nyara
Katika taarifa nyingine, Gerald Mwangi kutoka Embu hakuweza kujizuia na hisia zake baada ya kusikia kuwa mwanawe, Billy Mwangi, alidaiwa kutekwa nyara.
Billy alidaiwa kushiriki picha ya kumkashifu Ruto, ambapo kiongozi wa taifa alionekana amelala akiwa amekufa katika picha iliyotengenezwa kwa teknolojia ya AI.
Gerald na mke wake, Regina Wairimu, waliomba Ruto awasaidie kumpata mtoto wao, na mwishowe wakamwomba Mungu kwamba waliomteka wampatie adhabu nyepesi.
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.
Chanzo: TUKO.co.ke
