Tanasha Donna Amuenzi Zari Hassan Licha ya Migogoro ya Zamani: "Malkia"
Mjasiriamali wa Uganda Zari Hassan na mwimbaji wa Kenya Tanasha Donna hawakuonana
Hata hivyo, wanawake hao wawili walizika uhasama wao kwa sababu ya watoto wao na sasa wanazungumza mara kwa mara
Hivi majuzi Tanasha alimtambua Zari kwa ku-share picha wakiwa wamevalia mavazi meupe wakijivijari katika sherehe
Tanasha Donna ametoa pongezi kwa Zari Hassan, kudhihirisha uhusiano wao unazidi kushamiri.
Tanasha Donna na Zari Hassan wako kwenye mahusiano mazuri. Picha: Tanasha Donna na Zari Hassan.
Chanzo: Instagram
Je, Tanasha na Zari wako sawa?
Zari na Tanasha wana watoto na msanii wa Tanzania Diamond Platnumz na hapo awali walikuwa na uhusiano mbaya.
Mzozo wao ulianza mwaka wa 2019 wakati Diamond alipokuwa akichumbiana na Tanasha, na alimshutumu Zari kwa kumsaliti.
Katika mahojiano, Diamond alidai Zari alimsaliti na wakufunzi wa mazoezi na msanii wa Nigeria Peter Okoye, aliyekuwa mmoja wa kundi la P Square.
Mama huyo wa watoto watano aliingia mtandaoni na kumshambulia Diamond kwa maneno makali, akimshutumu kwa kushindwa kusonga n maisha yake.
Zari aliamua kumhusisha Tanasha katika ugomvi huo.
"Hadi sasa, mpenzi wangu wa zamani atakuwa anamwambia mpenzi wake mpya jinsi nilivyokuwa mbaya, na msichana huyo atamhurumia, akifikiria amepata mtakatifu. Wapumbavu wawili," alisema.
Hata hivyo, wanawake hao wawili walisuluhisha tofauti zao.
Zari alisema hana uhasama wowote na Tanasha, na watoto wao huzungumza mara kwa mara.
Mfanyabiashara huyo wa Uganda, Zari, alifichua kuwa urafiki wao ulianza wakati watoto wao walipoenda kutumia muda na baba yao nchini Tanzania.
Alisema Tanasha alitumia muda na watoto hao, mara nyingine akiwapeleka kupata barafu tamu (ice cream). Aidha, Zari alimuita Tanasha mara kwa mara kuwaulizia hali ya watoto, na hivyo ndivyo walivyoanza kuwa marafiki.
Hivi karibuni, Tanasha alichapisha picha ya zamani akiwa na Zari wakati wa sherehe yake ya mavazi meupe.
Wanawake hao wawili walionekana maridadi katika mavazi yao meupe. Zari alivaa gauni jeupe la kubana mwili, huku Tanasha akivaa buti zinazolingana, sketi fupi, na blauzi fupi.
"Nyuma ya pazia na malkia," aliandika kwenye picha hiyo.
Jinsi mashabiki mitsnadoni walivyosema:
user5537560605032:
"Unajaribu kutufanya tuzungumze juu yako baada ya safari ya Diamond Kenya?"
user6634435923880:
"Mnaonekana warembo sana, nyie wanawake."
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.
Chanzo: TUKO.co.ke
