Ezekiel Mutua Amwaga Machozi Wakati wa Mazishi ya Mwanawe Wiki Mbili baada ya Kifo cha Baba
Ezekiel Mutua anapitia ndoto mbaya zaidi ya kila mzazi baada ya kifo cha mwanawe Brian Makenzi
Mkurugenzi huyo Mtendaji wa MCSK alimpoteza babake wiki mbili kabla ya kifo cha mwanawe, na alihisi uchungu mzito wakati wa mazishi
Wakenya walimfariji Mutua na familia yake, ambao walinaswa wakitoa machozi wakati wa hafla ya mazishi
Mkurugenzi Mtendaji wa Chama cha Hakimiliki ya Muziki nchini Kenya Ezekiel Mutua amemzika mwanawe Brian Makenzi.
Ezekiel Mutua akimuomboleza mwanawe kwa uchungu. Picha: Ezekiel Mutua.
Chanzo: Facebook
Wiki mbili zilizopita, Mutua alikuwa akiomboleza baada ya kumpoteza baba yake.
Mutua alitangaza kifo cha baba kupitia chapisho la huzuni kwenye Facebook.
Alimuenzi babake kama mtu aliyekuwa na maisha ya kipekee, akiishi hadi umri wa miaka 100.
?Si wengi wanaopata bahati ya kufikisha miaka 100 na kuondoka duniani wakiwa wamezungukwa na vitukuu na vilembwe wao. Baba alishuhudia Vita vya Kwanza na vya Pili vya Dunia na amepitia karibu njaa na magonjwa yote yaliyorekodiwa katika historia,? aliandika.
Bosi huyo wa MCSK alizama tena kwenye majonzi baada ya kumpoteza mwanawe mdogo. Mutua anapitia ndoto mbaya ya kila mzazi, baada ya kumzika mwanawe, Makenzi.
Baada ya mkewe kusoma risala ya kugusa moyo kwa ajili ya mwana wao, Mutua alionekana akijifuta machozi kwa kitambaa.
Katika picha nyingine, machozi yalionekana yakitiririka usoni mwake. Mutua alifichua kwamba baada ya kumzika mwanawe, mvua ilianza kunyesha.
Aliandika:
?Na mara tu baada ya kuweka mashada ya maua kutoa heshima za mwisho kwa mwana wetu, mbingu zilifunguka na mvua kubwa ikanyesha. Wakati mvua ilipoanza kunyesha kwa kasi na waombolezaji wakikimbilia makazi, tulibaki pale kwenye mvua ? tukiwa tumepooza, tumechanganyikiwa, hatuelewi chochote, tukiwa tumeegemezwa tu na neema ya Mungu na amani yake ipitayo akili zote za kibinadamu.?
Alitumia mitandao ya kijamii kuwashukuru familia na marafiki kwa kusimama na familia yake katika nyakati hizi ngumu. Mutua pia aliwashukuru wafuasi wake kwa jumbe zao za faraja.
Mr Lenny ampoteza babake
Katika habari nyingine, mwanamuziki wa Kenya, Mr Lenny, alitangaza kwa huzuni kifo cha baba yake, Leonard Wanganga.
Msanii huyo alishiriki kwamba baba yake alikuwa akienda na kurudi hospitalini kwa matibabu hadi dakika zake za mwisho.
Lenny aliomba msaada kwa watumiaji wa mitandao ya kijamii kusaidia kulipa bili za hospitali za baba yake na kupanga mazishi yake.
Read ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.
Chanzo: TUKO.co.ke
