• Kenyan_gossip
• Visit Article Link

• Tuko News
• Thu Apr 17 2025

Uvumi umeenea kwenye mitandao ya kijamii kuhusu mustakabali wa mwalimu mkuu wa Shule ya Upili ya Wasichana ya Butere Girls Jennifer Omondi

Haya yanajiri baada ya tamthilia tata ya shule hiyo katika Tamasha za Drama mwaka huu uliovuta hisia za watu wengi ikiwemo serikali

Akiongea kwenye Jeff Koinange Live, Dennis Itumbi alikanusha madai kuwa mwalimu mkuu ataadhibiwa kwa jukumu lake kuhusu tamthilia hiyo

Sasa imeibuka kuwa mkuu wa Shule ya Upili ya Wasichana ya Butere Jennifer Omondi anatazamiwa kustaafu baada ya miezi michache.

Mwalimu mkuu wa Butere Girls Jennifer Omondi na picha ya lango la shule hiyo. Picha: Butere Girls.

Chanzo: Facebook

Haya yanajiri huku kukiwa na uvumi kuhusu jukumu lake katika shule hiyo, kwa madai kwamba alihamishwa hadi taasisi nyingine.

Dennis Itumbi athibitisha mwalimu mkuu wa Butere Girls anastaafu

Hata hivyo, ukweli kuhusu tetesi hizo ulitolewa na mkuu wa Miradi Maalum ya Rais na Uchumi Ubunifu, Dennis Itumbi, wakati wa mahojiano katika Citizen TV.

Mwanahabari huyo wa zamani alikuwa sehemu ya jopo lililokuwa kwenye Jeff Koinange Live huku mada kuu ikiwa uchumi wa ubunifu na haswa maelezo yanayohusu tamthilia tata ya Echoes of War.

Akizungumzia kuhusu Butere Girls, onyesho hilo lilipofikia tamati, Itumbi alikanusha madai ya serikali kuwalipa walimu, akibainisha kuwa hakuna kitu kama hicho.

Alisema huenda ikawa inatoka kwa mkuu wa shule kwenda kwa walimu, lakini akakanusha kuhusika na serikali katika kuwaadhibu walimu hao kutokana na mchezo huo.

Pia alithibitisha kuwa mkuu huyo wa shule anatarajiwa kustaafu baada ya miezi miwili, jambo ambalo lilithibitishwa na Cleophas Malala, ambaye alikuwa sehemu ya jopo hilo.

Itumbi alibainisha kuwa mwalimu huyo amekuwa na taaluma nzuri na ataruhusiwa kumaliza muda wake shuleni.

"Hakuna malipo yoyote kwa msingi wa mchezo. Kwa kweli mkuu wa shule ya Butere Girls, kama ukweli wangu ni sahihi, na nahitaji kuwaangalia tena, lakini mara ya mwisho kusikia mazungumzo haya, mwalimu wa Butere Girls anaenda kustaafu ni miezi miwili ijayo. Kwa hiyo amekuwa na kazi ya kuongoza na tutamruhusu kumaliza wito wake wa kazi," alisema.

Tetesi kuhusu uhamisho wa Jennifer Omondi ni za uongo

Habari hizo pia zinabatilisha uvumi ambao umeenea kwenye mitandao ya kijamii katika siku chache zilizopita, ukidai kuwa Omondi alihamishwa hadi Shule ya Sekondari ya Wajir Day katika Kaunti ya Wajir

Haya yalijiri baada ya mzozo uliozingira igizo la Echoes of War katika Tamasha la Kitaifa la Drama, kwa madai kwamba hati hiyo ilikuwa imebadilishwa ili kuendana na ajenda fulani

Pia kulikuwa na madai kwamba alikuwa ameagizwa kujiuzulu, ambayo sasa yanaonekana kuwa tu uvumi kwenye mitandao ya kijamii

Basi la Shule ya Upili ya Butere Girls lilipowasilishwa kwa shule hiyo likiwa jipya. Picha: Abdul Ali.

Chanzo: Facebook

Dennis Itumbi atuma pole kwa Butere Girls

Katika kipindi hicho hicho, TUKO.co.ke iliripoti kuwa Dennis Itumbi aliwaomba msamaha wanafunzi wa Butere Girls walioshiriki katika Tamasha za Drama kwa kudhulumiwa na vitoa machozi walivyolazimika kuvumilia katika ngazi ya kitaifa.

Itumbi alisema msamaha wake ni kwa niaba ya serikali, akikiri kuwa hali hiyo ingeweza kushughulikiwa tofauti.

Alisema serikali itajaribu kupata suluhisho, akisema anaelewa umuhimu wa kuigiza, akiwa mwigizaji wa zamani katika shule yake.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.

Chanzo: TUKO.co.ke