• Kenyan_gossip
• Visit Article Link

• Tuko News
• Fri Apr 18 2025

Magazeti ya Ijumaa, Aprili 18, yaliripoti kuhusu hali ya wasiwasi katika kambi ya Raila Odinga, ambapo gavana wa Siaya James Orengo amevuruga misimamo yake dhidi ya serikali ya Rais William Ruto.

Kurasa za mbele za magazeti ya The Standard na People Daily. Picha: Picha za skrini kutoka The Standard, People Daily.

Chanzo: UGC

Kwingineko, magazeti yaliripoti mkakati ambao vijana wa Kenya wananuia kuutumia kuwaondoa wanasiasa wa kitambo kutoka nyadhifa za uchaguzi katika kura ya 2027.

1. Daily Nation

Gazeti hilo liliripoti kuhusu masaibu ambayo kwa sasa anakumbana nayo gavana wa Siaya James Orengo, ambaye msimamo wake dhidi ya Rais William Ruto umechukiza mirengo kutoka eneo la Nyanza na ndani ya chama cha ODM.

Orengo yuko kwenye rekodi kutangaza kwamba hatakuwa mshiriki wa timu ya sifa ambayo humbembeleza rais hata anapofanya makosa akiendesha nchi.

Matamshi yake yamezua hisia kali kutoka kwa viongozi wa Nyanza, haswa kutoka kwa kikundi cha wataalamu wa eneo hilo, Ramogi Professionals Caucus, ambao walimshutumu kwa kuchochea mizozo ya kisiasa na kuvuruga umoja wa jamii ya Wajaluo.

Kundi hilo linahoji kuwa kutokana na Raila Odinga kuanzisha mapatano ya kufanya kazi na rais, kila mmoja katika kundi la bosi wa ODM anafaa kushikilia msimamo huo.

"Kauli ya Orengo haiwakilishi Mjaluo yeyote. Tunamuunga mkono Raila katika ushirikiano wake wa kisiasa na Rais Ruto kwa sababu imerejesha utulivu na kuleta maendeleo," alisema mwenyekiti wao Joshua Nyamori.

Baadhi ya viongozi wametishia kuanzisha mchakato wa kumwondoa Orengo afisini kutokana na kile walichokitaja kuwa "utovu wa nidhamu na usaliti wa kisiasa".

Wanamtaka gavana huyo kuachana na siasa kali zinazowashtaki watu wa Nyanza dhidi ya serikali.

Mmoja wao alitangaza kwamba ikiwa Orengo hataomba msamaha, basi wangefuatilia kuondolewa kwake afisini.

"Iwapo Gavana Orengo hataomba msamaha, tutaanzisha mchakato wa kumwondoa kwa mujibu wa Katiba. Tumepoteza mengi kwa sababu ya upinzani, sasa tunahitaji maendeleo."

2. People Daily

Gazeti hili liliripoti juu ya azma ya vijana hao kuwavua madaraka wanasiasa wa zamani ambao wanawatuhumu kushindwa katika nyadhifa zao mbalimbali.

Muungano wa viongozi vijana wa Kenya chini ya bendera ya Wanaotaka Kizazi Kipya jana walitangaza mipango ya kuandaa mkondo wao mpya wa kisiasa nchini mwaka wa 2027.

Katika kile walichokitaja kuwa ni "unyakuzi wa lazima", vuguvugu linaloongozwa na vijana lilisema halitanyamaza tena kutokana na uozo wa kitaifa na kupuuzwa kwa vizazi huku viongozi wao wakitangaza nia ya kuchukua nafasi ya walinzi wa zamani katika siasa.

Huku zaidi ya 75% ya watu walio na umri wa chini ya miaka 35, Wagombea wa Kizazi Kipya wanasema wanatetea mageuzi ya utawala na kujiweka katika nafasi ya kuongoza katika uchaguzi ujao.

"Hatusukumwi na ubinafsi au tamaa. Tunasukumwa na ulazima," alisema Lavani Mila, mmoja wa waitishaji wa kundi hilo.

"Nchi yetu inavuja damu. Watu wetu wanasongwa chini ya uzito wa rushwa, madeni, ukosefu wa ajira na kukata tamaa. Tuko hapa kusema kwamba vijana wanaishi," aliongeza.

3. The Standard

Gazeti la Standard liliangazia hatua ya Wizara ya Afya kusitisha huduma za upandikizaji wa figo kote katika Hospitali za Mediheal.

Vifaa hivyo vinakabiliwa na shutuma kali za utovu wa nidhamu na ukiukaji wa maadili katika taratibu za upandikizaji.

Waziri wa Afya Aden Duale alisema wizara hiyo imejitolea kulinda wagonjwa na kurejesha imani katika mfumo wa afya wa Kenya.

Ili kuhakikisha uchunguzi wa kina, Duale alitangaza kuanzishwa kwa kamati huru ya wataalam kukagua mbinu za upandikizaji wa figo katika vituo vyote vya Mediheal katika kipindi cha miaka mitano iliyopita.

Kamati itatathmini mbinu za kimatibabu, miongozo ya kimaadili, utawala na hatua za usalama wa mgonjwa, na matokeo yanatarajiwa ndani ya siku 90.

Ili kudumisha uadilifu wa uchunguzi huo, Duale aliwasimamisha kazi Maurice Wakwabubi, Kaimu Mkuu wa Huduma za Uhamishaji Damu na Upandikizaji wa Kenya (KBTTS), na Everlyne Chege, ambaye hapo awali aliongoza uchunguzi wa wizara kuhusu masuala ya upandikizaji mnamo Desemba 2023.

Zaidi ya hayo, Duale aliagiza Baraza la Madaktari na Madaktari wa Meno la Kenya (KMPDC) kukoma kusajili madaktari wapya wa kigeni, isipokuwa wale kutoka mataifa ya Jumuiya ya Afrika Mashariki.

Baraza hilo pia lilipewa jukumu la kuwakagua wahudumu wote wa kigeni walio na leseni kwa sasa nchini Kenya na kuwasilisha ripoti ndani ya siku 90.

4. Taifa Leo

Taifa Leo iliripoti kuhusu serikali ya kaunti ya Murang'a kutenga KSh 200 milioni katika mwaka wa kifedha wa 2025/26 kufadhili huduma za afya kwa makundi hatarishi.

Mbali na kulipia gharama za matibabu, mpango huo unalenga kuwapa wanachama KSh 10,000 watakapofunga ndoa halali, na KSh 10,000 watakapopata mtoto wao wa kwanza.

Hii italeta jumla ya uwekezaji katika mpango wa Kang'ata Care hadi KSh 400 milioni tangu kuanzishwa kwake 2023, wakati ulikuwa na bajeti ya KSh 200 milioni.

Licha ya ongezeko la kila mwaka la walengwa, bajeti imebaki vile vile.

Kulingana na Afisa Mkuu wa Afya Kaunti ya Murang'a Eliud Maina, bajeti hii inapendekezwa chini ya mpango wa Kang'ata Care, unaolenga kuboresha maisha ya watu maskini.

Aliutaja mpango huo kuwa ni motisha ya kijamii iliyobuniwa kudumisha utu wa watu wasiojiweza na kuwafanya wajisikie kuwa wanathaminiwa, kuungwa mkono na kuheshimiwa.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.

Chanzo: TUKO.co.ke